Pontevedra, Capiz- Lunsay pilason ang tatlo ka mga persona matapos ang nagluntad nga traffic accident alas 8:40 kagab-e sa Sitio Buta Brgy. Jolongajog banwa sang Pontevedra.
Nahibaloan nga base sa imbestigasyon sang mga kapulisan, nagalakat sa kilid sang karsada ang biktima nga ginkilala kay Jetty Tadero y Dequiñon, 26-anyos ang pang-edaron sang nasambitan nga lugar sang ini ang aksidente nga nabunggoan sang motorsiklo nga ginamaneho naman ni Jhon Rey Abarra y Besana, 26-anyos ang pang-edaron.
Samtang pilason man ang backrider sini nga ginkilala kay Mark Basan y Ogbac, 21-anyos nga sa subong ang ginabulong sa isa sa mga ospital diri sa syudad sang Roxas.
Gindala naman sa Bailan District Hospital sanday Jhon Rey Abarra kag Jetty Tadero agud nga dapatan sang nagakaigo nga pagbulong matapos nga nag-angkon sang mga kapilasan kag palanakit sa lawas.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
