PONTEVEDRA, NEGROS OCCIDENTAL – Isa ang napatay kag duha ang nasamaran sa natabo nga aksidente sang traysikol pasado las 10 kagab-i sa Curbada Monserat, Brgy. DSB sa banwa sang Pontevedra.
Dead on Arrival ang pasahero nga si Larry Estamina, 48 anyos ang edad, samtang samaron naman sanday Rodan Monsale, 24 anyos ang edad, driver sang Barako Motorcycle kag ang isa pa ka pasahero nga si Rey Moreno, 45 anyos ang edad, tanan residente sang Brgy. Quiwi, Hinigaran, Negros Occidental.
Suno sa imbestigasyon sang Pontevedra PNP, samtang nagadalagan ang traysikol, aksidente ini nga naglapaw sa kurbada nga lane, gani ini ang natumba.
Nag-angkon sang pilas sa nagkalain-lain nga bahin sang ila lawas ang mga biktima kag dali-dali nga gindala sa Valladolid District Hospital apang si Estamina ang gin-declare nga Dead on Arrival./dyHB BACOLOD
