Daling gikuha sa Oro Rescue dinhi sa dxCC- RMN Cagayan de Oro ang usa ka 47 anyos nga lalaking naglisod og ginhawa.
Kini human nasayran sa dxCC-RMN nga dunay sakit sa Tuberculosis o TB si Esmeraldo Datu nga taga Malitbog, Bukidnon.
Matud ni Datu nga unom ka bulan na siyang niinom og tambal para sa TB apan wala gihapon kini maulian maong nagpatabang sa dxCC-RMN Cagayan de Oro.
Bisan naglisod na sa iyang kahimtang apan naningkamot kini nga makaabot sa dxCC-RMN aron lamang matabangan.
Sa laing bahin, dako usab ang pasalamat ni RadyoMaN Zaldy Ocon kang City Disaster Risk Reduction and Management Department Head Allan Porcadilla sa daling aksyon pinaagi sa pagpadala og medical team aron maatiman gilayon ug mahatud sa ospital ang maong pasyente.
Nakita usab sa medical team sa Oro Rescue nga nihubag na ang dughan sa maong pasyente.
