President Roxas Capiz- Isa ka clean-up drive ang ginatigayon sang nakaligad nga adlaw sang Sabado sa bahin sang Brgy. Madulano banwa sang President Roxas.
Ang Aksyon Limpyo: A Community Based Clean Up Drive ang mismo ginpangunahan sang Capiz Environmental and Natural Resources Office ukon CAPENRO pinaage sa ila hepe nga si Atty. Emelyn Arboleda Depon.
Suno kay Atty. Depon, ang amu nga aktibidad ang kabahin lamang sang ila adbokasiya agud nga i-edukar ang publiko angut sa nagakaigo nga waste segregation kag garbage disposal.
May dala ang mga ini nga mga sako kag mga materyales nga gamit sa pagpanglimpyo kag pagkolekta sang basura kaangay snag mga plastics kag iban pa nga indi madunoton nga bagay.
Ginpunto sini nga ang mga plastics ang indi gilayon madunot kag ini ang nagadugay sang tinuig kabangdanan sang polusyon sa palibot.
Suno kay Depon, ang mga ginpangbutang nga basura sa sako ang ila man nga gindala kag ginkarga sa dumptruck sang provincial government.
Iya man sini nga ginpasalamatan ang kooperasyon sang mga taga-Brgy Madulano sa pagpamuno sang ila nga mga barangay officials.
photo © CaPENRO
