Siayan, ZDN- Dakpan ang usa ka Top 2 MWP sa lungsod sa Siayan human mikasa ug hini-usang operasyon ang pwersa sa PNP Siayan uban sa kapulisan sa lungsod sa Molave didto sa Bambong Daku Paradise, Ramon Magsaysay, Zamboanga Del Sur kaniadtong adlawng Sabado sa mya 10:00AM.
Ang naaresto mao si Renie Boy Masion Gio, 29 anyos ug usa ka welder nga taga Sitio Tugop, Brgy. Paranglumba, Siayan, ZDN.
Ang maong dinakpan mag atubang kini sa kasong Carnapping human gitangag ang RUSI Motor 125 kaniadtong oktubre 26, 2018 didto sa Blancia Molave, ZDS, nga iya ni Carmelito Mejares Temonio taga Brgy. Makugihon, Molave, ZDS.
Hinuon nakuha ra usab kini pagbalik ang maong motor duol sa irrigation canal sa brgy. Blancia.
Samtang nag atubang usab kini ug kasong Parricide human migawas ang warrant kaniadtong Abril 5, 2018 sa hawanan ni Judge Oscar D. Tomarong RTC9, Br. 11, Sindangan, ZDN ug walay pyansa bugti sa iyang kagawasan.
Lauman karong adlawa mapasaka na ang kasong carnapping batok sa maong dinakpan.
