General Santos City–Gikumpirma ni Engr. Jonathan Bantug labaw sa DPWH Sarangani nga ilang aksyunan ang reklamong nakaabot kanila gikan sa RMN news team kabahin sa problemang nasinatian sa mga magtutungha ug magtutudlo sa Malalag National High School sa munisipyo sa Maitum kini human dili gyud mapuslan ang walo ka mga classroom sa ground floor panahon sa ting-ulan.
Nasayran una nang nagpaabot sa iyahang pagkadismaya si Maitum Mayor Alexander Bryan Reganit sa maong proyekto gumikan dako matud pa ang posibilidad nga ma apektuhan ang pagtuon sa mga estudyante bisan man ang mga magtutudlo .
Bisan man si maa’m Vilma Fucion principal sa maong tunghaan ang nagbutyag nga sa school gym nalang temporaryong nagtudlo ang ubang magtutudlo higayon mubundak ang kusog nga ulan.
Apan gipaniguro ni Engr. Bantug nga ila nang sugdan ang construction sa drainage sa maong tunghaan karong bulana kini human duna na’y budget nga mukabat ngadto sa P5,000,000.00 gikan sa panudlanan sa goberno. (Ray Sabillo)
