General Santos City- Ang lokal nga panggamhanan sa dakbayan sa Gensan kauban ang United Nations Industrial Development Organization ( UNIDO) ang magpahigayon og usa ka aktibidad alang sa pagpataas pa sa awareness sa mga katawhan sa Gensan alang sa negatibong mahatag sa pagsunog sa basura og ang paggamit sa plastics.
Ang maong aktibidad ang gikatakdang himoon karong umaabot nga Disyembre 10,2017.
Sumala pa kang Ms. Teresa Naranjo,usa sa mga miyembro sa Technical Working group nga ang programa ang pagasugdan pinaagi sa usa ka Fun Run, alas 5:00 hangtod na alas 10:00 sa buntag.
Dungan usab niini ang launching sa Ordinance No. 03 s.2014 kon ang Regulating the Use of Plastics bags in General Santos City.
Pagasundan usab sa sunod nga mga adlaw ang usa ka Seminar Workshop sa New Integrated Solid Waste Management (SWM) sa syudad sa Gensan.
Gidugang usab ni Naranjo, nga gikatakda usab nga ipang deputized ni Gensan City Mayor Ronnel Rivera ang mokabat sa 800 ka mga traffic enforces nga kon diin adunay 20 ka mga enforcers ang maggikan sa matag barangay sa syudad.
Dako usab ang paglaom niini nga suportahan sa mga establisyemento ang ordinansya sa dakbayan batok paggamit og plastics sama na lamang sa palengke, malls og uban pa.
