Aktibidad sa pagsaulog sa Mindanao Week of Peace, han-ay na

15

Pagadian City – Han-ay na ang aktibidad sa nagsingabot nga pag-abli sa pagsaulog sa Mindanao Week of Peace (MWOP) nga sugdan karong umaabot adlaw nga huwebes ug tapuson sa unang adlaw sa bulan sa Disyembre niining tuiga.
Ang selebrasyon nag-angkla sa Temang “Interfaith Unity Inspiring Health Protocol.” Sa press conference nga gipahigayon diha sa bishop house sa Brgy. Balangasan niining syudad gisugid ni Sultan Manguid Maruhom ang Committee Spokesperson sa Interfaith Forum for Solidarity and Peace nga ang tinuig nga selebrasyon sa Mindanao Week of Peace ginahimo pinaagi sa Bishops-Ulama Conference.
Ang tinuig nga aktibidad gihan-ay aron ipadayag sa publiko ang mga kalihukan nga nagtumong sa kultura sa pagbugtaw sa kalinaw pinaagi sa pagtigom sa mga peace advocates sa tibuok probinsya.
Lakip sa mga aktibidad nga ipahigayon sa pagsaulog sa semana sa kalinaw ang Motorcade, Day of Prayer, Clean up Drive ug Interfaith Forum for Solidarity and Peace kun (IFSP) Annual Assembly ug daghan pang uban.
Ang kahugpungan sa IFSP gilangkuban sa mga kasimbahan, mga leaders sa Muslim, Subanen, ug mga Civil Society Organizations nga sa pagkakaron gipanguluhan ni Bishop Ronald Lunas, ug mga convenors nga mao sila si Timuay Jose Macareal alang sa mga Subanen, Datu Brahim Balimbingan alang sa mga muslim, Rev. Pastor Rey Salvador sa UCCP, ug Rev. Fr. Felix Tigoy alang sa mga Katoliko.//CTTO – The Roman Catholic Diocese of Pagadian

Facebook Comments