Cauayan City, Isabela- Bumaba na lamang sa 418 ang total active cases ng COVID-19 sa probinsya ng Isabela mula sa 4,105 na total confirmed cases.
Sa pinakahuling datos ng Department of Health (DOH) Region 2 ngayong araw, Enero 28, 2021, dalawampu’t apat (24) ang naitalang bagong kaso ng COVID-19 sa probinsya kung saan walo (8) rito ay naitala sa City of Ilagan at Santiago City, tig-dalawa (2) sa bayan ng San Isidro at San Mariano at tig-isa (1) sa mga bayan ng Gamu, San Mateo, Tumauini at sa Lungsod ng Cauayan.
Kasabay ng mga bagong naitalang kaso, nakarekober naman sa sakit ang apatnapu’t pitong COVID-19 patients kaya’t umaabot na sa 3,616 ang kabuuang bilang ng gumaling sa probinsya.
Mula sa 418 na active cases; isa (1) rito ay Returning Overseas Filipino (ROFs); pitong (7) Non-Authorized Persons Outside Residence (Non-APORs); tatlumpu’t dalawang (32) healthworker; tatlumput’t siyam (39) na pulis at 339 na Local Transmission.
