Aktibong kaso sa Covid -19 sa probinsya padayong nisaka! dakbayan sa Pagadian kapin 300 na

27

Pagadian City – Padayon nga nisutoy ang ihap sa mga nagpositibo sa Covid-19 sa probinsya sa Zamboanga del Sur.
Base sa labing ulahing talaan sa Integrated Provincial Health Office kagahapong adlawa mitala og dugang 17 ka bag-ong kaso hinungdan nga mipatong na sa 593 ang kinatibuk-ang kaso sa probinsya.
Nag-una gihapon sa listahan ang dakbyan sa Pagadian nga mitala og 306 ka aktibong kaso gisundan sa lungsod sa Labangan nga dunay 45 ka pasyente samtang ang Aurora adunay 30 ka pasyente ang ilang gimonitor.
Kagahapon niihap usab sa 29 ka pasyente ang naulin na og nakagawas gikan sa nagkadaiyang isolation facility.
Kalabot niini, subling nagpahimangno ang Task Force sa probinsya nga sundon gayud ang gikalatid nga Health Safety Protocols ug likayan ang dili mahinungdanong lakaw ilabina sa mga lugar nga taas ang kaso sa Covid-19.
Gihingusgan usab karon sa Local Health Units ang contact tracing aron mapakgang ang pagkuyanap sa maong virus.

Facebook Comments