Usa ka negosyante, gipusil patay!

33
Usa ka lalaki ang gipusil patay sa dalang Lerio, Carmen ning syudad. / Photo by: RadyoMaN Anne Jane Duhaylungsod

Gipusil patay ang usa ka negosyante sa dalang Lerio, Brgy. Carmen ning syudad.  Nahitabo ang maong insidente kaganinang kadlawon karong adlawa samtang nagsakay sa iyang motorsiklo.

Gi-ila sa mga imbestagdor ang biktimang minyo nga si Junior Ompoc, taga Soldier’s Hill subdivision sa Brgy. Bulua.


Samtang basi sa mga nakasaksi, ang suspetsado gi-ingong angkas lamang ni-ini ang mipusil kaniya.  Gikabutyag nga dayong misibat ang suspek human sa pagpamusil.  Gidala pa ni-ini ang motorsiklo sa maong biktima.

Nasayran nga usa ka negosyante ug renter sa stall sulod sa merkado ang nasangpit nga biktima.

Sa pagkakaron, blangko pa ang kapulisan unsay motibo sa pagpusil patay sa biktima ug gitutukan karon ang follow up investigation aron matagaan hustisya ang kabanay sa biktima.

Facebook Comments