Davao City – Duha ka pamaagi na karon ang gipatuman alang sa pagtubag sa kalamidad nga matigayon sa syudad sa Davao.
Sumala ni Davao City Disaster Risk Reduction Management Office (DCRRMO) Operation Head Rodrigo Bustilo, dili na sila magpatuman og rescue operation tungod sa gihimo nilang sistema pinaagi sa Information Technology ug Community-Based Approach kung unsay himoon panahon nga dunay matibo’ng kalamidad.
Gipasabot ni Bustilo nga ang information technology maoy gigamit sa paghatag sa ensakto’ng impormasyon pinaagi sa social media ngadto sa katawhan kabahin sa pagpangandam nga himoon ug ang pagpahigayon sa mga seminars, drill sa mga kabarangayan nga gitawag og community base approach.
Samtang giklaro usab ni Bustilo dili lang responsibilidad sa gobyerno ang pagtubag sa kalamidad kon dili kitang tanan pinaagi sa pagtuman sa mga gihimo sa kagamhanan nga pagpangandam.
Matud ni Bustilo, kinahanglang tumanon sa mga tawo kung unsay gihatag nga mga pahinumdom o pasidaan gikan sa mga hingtungdang ahensya.
RadyoMaN Bernard Pantallon
