General Santos City— Dakpan ang usa ka pulis atol sa gipahigayong buybust operation sa PDEA 12, alas 12 pasado ang takna kaganihang udto sa Queen Tuna Park, Brgy. South ning dakbayan.
Sumala kang PDEA 12 Director Gil Castro, nga target maong operasyon ang usa ka Marites Baguio, hamtong ang pangidaron apan kalit nga miabot ang usa pulis nga naila sa pangalang PO3 Joel Estabillo rason nga apil kining gidakop sa otoridad.
Dugang pa nga basi sa inisyal nga imbestigasyon, adunay relasyon ang duruha kung asa nakabasi sa Pres. Quirino Municipal Police Station ang nasangpit nga pulis apan kasamtangang anaa sa holding unit sa PNP basi na usab s amga ID nga gipakita niini atol sa maong operasyon.
Gibutyag man usab niini nga anaa sa ilahang watchlist si Bagiuo ug dugay nilang gipa-ilawom sa surveillance, samtang si PO3 Estabillo ang gipa-ilawom usab nila sa surveillance gumikan sa mga report nga ilahang nadawat bajin sa mga aktibidad niini.
Pamahayag pa ni Director Castro nga ang presensya sa nasangpit nga pulis atol sa maong operasyon ang nagpamatuod lang nga lambigit kini sa illegal nga aktibidad.
Saysay pa niini nga nagalihukan sa probinsya sa Sultan Kudarat ug Gensan si Bagiuo kung asa nakuha sa ilahang posisyon ang buybust item, buybust money ug ang service firearms ni Estabillo.
Sa karon ang duruha nga mga dinakpan ang anaa na nakakustudiya sa lock up cell sa PDEA 12 samtang ginahikay ang tukmang kaso batok kanila.
