Akusado sa kasong Homicide, arestado

11

New Washington, Aklan — Arestado it mga kapulisan rong sangka akusado sa kasong Homicide kaina sa Brgy. Centro Mataphao, New Washington, Aklan.
Rong akusado nakilaea kay Meinard Almero Liberato, 35-anyos, native it Brgy. Mataphao ag residente it Brgy. Jugas sa nasambit nga banwa.
Gin aresto si Liberato ko mga katapo it Aklan PPO Trackers Team, New Washington PNP, 605th MARPSTA ag PIS pinaagi sa bisa kung Warrant of Arrest nga may Criminal Case No.15233 nga gin issue ni Hon. Jemena L. Abellar Arbis, Presiding Judge, RTC 6, Branch 6 nga may petsang Enero 30, 2020.
P 120,000 pesos rong pyansa nga gintaeana it korte para sa anang temporaryong kahilwayan.
Si Liberato hay naka taeana man nga iga turn over sa korteng natungdan.

Facebook Comments