Davao City – Wala pa makadawat og reply gikan sa National Commission on Indigenous Peoples (NCIP) sa iyang gipadalang sulat si Davao City Vice-Mayor Bernard Al-ag.
Kini human nagpadala sa milabay’ng semana si Al-ag bahin sa pagkadelatar sa issuance sa Certificate of Affirmation (COA) ngadto kang new Indigenous Peoples Mandatory Representative (IPMR) Bai Chery Ann Codilla.
Sumala ni Al-ag, trabaho sa NCIP matud pa nga segurohong kwalipikado ang magpapili isip representate sa Indigenous Peoples (IPs) una muabot ang selection process.
“Mali ang proseso. It’s very elementary nga una i-proceed ang process, we need to make sure nga qualified ang kandidato. So kung ingon ani man pirmente atong process masamok ta pirme ani, and dili maayo nga precedence, ” tataw niini.
Dugang ni Al-ag nga kung i-kwestiyon pa nila og samot ang pagka-dugong Bagobo-Klata ni Codilla, muabot pa kini sa korte gani mas malangay ang proseso niini ilabi na sa serbisyong angay’ng madawat sa IP community.
“Unless naa nang duha [COA and Oath taking], dili siya makaapil sa session, dili siya makagamit sa kwarta sa gobyerno ug mahitabo nga vacant gihapon ang seat karon,” pasabot ni sa bise-mayor.
Dugang ni Al-ag, kung wala pay mulinhkod isip IPMR mapugos kining manduan ang Committee on Cultural Communities and Muslim Affairs vice chairperson nga muhulip usa sa maong pwesto.
Gani tungod usab sa nahitabo, gilauman ni Al-ag nga ipahigayon ang selection process unom ka bulan una mahuman ang termino sa kasamtangang IPMR.
Kahinumdoman nga kaniadto pang Abril 28 ang adlaw sa oath taking ni Bai Cherry Ann Codilla apan nadelatar kini human miapila ug gikwestiyon sa NCIP ang geneology ug fluency niini isip representante sa Bagobo-Klata.
RadyoMaN Jason Amisola
