Matag usa kanato adunay nagkadaiyang pagtawag kun calling sa kung asa ug unsa nga propesiyon imong padulngan. Ang uban pa gani maghatag og kumento kung unsa ang angayan alang kanimo.
Apan bisan sa unsa pa ang imong gusto, kung ang Ginoo na mismo maghatag og giya kanimo, dili ka ka-dili gumikan mao ang maayong plano niya alang kanimo.
Sama na lamang sa nasinati ni Fr. Dingdong Sargado, usa ka American-based nga pari nga nakadestino sa Vermont State.
Dili susama sa uban nga adunay gipangayo nga signos sa pagsulod sa ingon ani nga bokasyon, ang nakapalibot kang Fr. Dingdong ang nahimong pamaagi nga naka desider kini nga mag pari.
Bisan pa man sa mga discouragement nga ginahatag sa uban kaniya, nagpabiling lig-on iyang pagtoo nga gitawag siya sa Ginoo.
Sumala ni Fr. Dingdong, dili lalim ang magpari gumikan daghan kag sakripisyo nga himoon ug lisud kung moundang lang ka human niini diin modangat sa kini sa pagmahay.
Isip tawhanon, atong ginahukman ang mga tawo base sa kung unsa atong makita. Inay, ang ato dapat huna-hunaon, aduna kitay Ginoo nga mismong nakahibalo ug nagplano sa atong nagkadaiyang kinabuhi subay sa iyang kabubut-on.
Karong Semana Santa, atong pamalandongan ang atong mga binuhatan isip mga Kristiyano diin kita mag-alagad kang Kristo kinsa nagsakripisyo alang sa atong kaluwasan.
RadyoMaN Jason Amisola
