Alarma sa sunog mitumaw sa Navarro St., Surigao City
Isa ka alarma sa sunog an tagpaabot alas 7:55 kuman buntag ngadto sa kadagkuan sa Bureau of Fire Protection, ini resulta sa isa ka panimayay an tagsugdan na paglamoy sa kayajo sa may Purok Dama de Noche, Navarro St., Surigao City,
Sa nakuha na impormasyon gikan ni F03 Cheric Dalupere, an Fire Investigator, nasunog an bahin sa panimayay na tagapanag-ija ni Mr. and Mrs. Cristito Peligro. Sinugdanan sa sunog an short electrical circuit sa wirings sa may kisame niini. Bana-bana na danyos P3,000. Pag-abot nan firetruck an sumaya pa nag-aso-aso rakan an bahin sa nasunog na kisame gumikan kay una na nag-Bayanihan an mga silingan pinaagi sa pagtinabangay sa pagbubo nan tubig gamit an mga balde pinaagi sa pagpanguna nan silingan ug sakop sa BFP na si SF03 Ornie Dumagtoy.
Nadeklarar na Fire Out alas 8:10 kuman na buntag.
