Ginkaalarma sang Women and Children Protection Desk ukon WCPD South Cotabato ang kaso sang rape sa probinsya tungod base sa ila nga datos naglab-ot sa 108 ang ang kaso sang pagpanglugos sa mga kabataan sang nagligad nga tuig.
Apang suno kay Police Inspector Jojie Alog, hepe sang WCPD sa nasambit nga numero anum dire ang kaso sang incest rape sa diin ang mga suspek ang amay, tiyo ukon pamilya sang biktima nga ang mga iloy ang yara sa abroad.
Pinakamadamo naman ka kaso nga narekord ang sa Koronadal City nga naglab-ot sa 20, ginasundan sang Polomolok nga may 19, Surallah kag Tantangan may 15, T`boli 10, Tupi kag Banga 7,Sto. Niño -6, Tampakan – 5, Lake Sebu – 3 kag Norala – 1.
Sa 108 naman ka mga kaso, 41 lamang ang nasang-at sa korte kag ang iban ang tigayon nga nasettled ukon ang mga biktima ang wala na sang interes nga magpasaka sang kaso bangud sa pipila ka mga rasones kapareho sang wala sang igasto.
May-angot sini, mas ginapabakod nila sa subong suno kay Police Inspector Alog ang information drive batok rape paagi sa bulig sang mga social workers kag pagcoordinate sa mga principal kag guidance counsellor sang mga eskwelahan dire sa probinsya agud nga makabulig sa ila nga kampanya.
