Taliwala sa bagyong “Ompong” wala kini baliha sa katawhan sa dakbayan sa Dipolog ilabi na nga dili kita ang sentro sa nahisgutan nga bagyo alang niadtong buot mo salmot sa ipahigayon nga Alay Lakad ugmang adlawa setyembre 16, 2018.
Gipangandaman gayud kini sa kagamhanang lokal sa Dipolog ang pagahimoon nga Alay Lakad-Takbo 2018 karon nga tuig.
Nagdala sa tema nga “EDUCATION: key to success”, ilawom sa pagpasiugda sa kagamhanang lokal ning dakbayan sa pagpanguna ni City Mayor Darel Dexter T. Uy.
Ang assembly time niini alas 4:00 sa kaadlawon, ug ang paglakaw ang magasugod sa alas 4:30 ang takna nga manukad dinha sa Dipolog Boulevard ug motapos didto sa Dipolog City Sports Center alang sa hamubong programa ug final canvassing alang sa. “Mr. ang Miss alay Lakad 2018”.
Sa maong aktibidad adunay ipaabot nga mensahe si City Mayor Darel Dexter T. Uy ug pagkahuman diha na dayon sugdan ang pormal nga pagbukas sa ilang kandidata para sa alay Lakad 2018 lakip sab nga ipa ila ang mga alay lakad scholar.
Tipik sa hamubong programa mao ang mensahe nga ipabati ni City Mayor Darel Dexter T. Uy, dayon paga-sundan kini sa pormal nga pag-presentar sa mga kandidata sa “Mr. & Miss Alay Lakad 2018”, ug sa pag-ila usab sa mga nahimong mga Alay Lakad Scholars, lakip usab sa pormal nga pagproklamar sa mga mahimong mananaug sa Mr. & Miss Alay Lakad.
Gidapit ang tanan alang niadtong buot mo salmot sa maong talagsaon nga kalihukan sa pag apil sa nahisgutan nga alay lakad 2018. Photo(c)CIO
