Gibutyag karon ni Philippine National Police (PNP) Director-General Oscar Albayalde nga usa sa tulo ka mga anggulong gipursigi karon sa mga imbestigador sa kamatayon ni Tanauan Batangas City Mayor Tony Halili mao ang gikatahong bangi niini sa usaka de-ranggong opisyal sa armed services sa gobyerno.
Sa usaka impromptu news conference atol sa 27th Founding Anniversary sa Aviation Security Group karong buntag, gikumpirma sa hefe sa nasudnong kapulisan nga nakadawat sila ug inpormasyon nga una gibanhigan-patay si Halili, nakabangi niini reportedly ang usaka heneral kinsa wala usab na-identipika as of broadcast time.
Ang bangi gituhuang may kalambigitan sa usaka land dispute diin nigula ang teoriya nga si Halili posibleng gipapatay sa maong impluwensyado ug konektadong opisyal.
Una niini, mismong si Pres. Rodrigo Duterte nisulti nga posibleng drug-related ang Halili gunslaying ilabi na nga usa kini sa mga narco politicians nga ginombrahan sa pamuno-nasud kansang area of operation mao ang Tanauan silbing trans-shipment point sa mga droga padulong sa mga metropolitan areas sama sa Metro Manila ug silingang mga lokalidad.
Sa pikas bahin, hugot nga gidasonan ni Albayalde nga gikinahanglan na gayud nga mag-‘level up’ na ang kapulisan sa katakos ug abilidad niini sa pagresponde sa mga bag-ong hagit sa atong panahon sa natad sa pagmentenar sa kahusay ug kalinaw ingon man ang seguridad sa mga lungsuranon.
“Katulad nga 9-11 incident (sa America), we need to consider further innovations in order to prevent and preempt this new threat,” segun sa national police chief.
Namatikdan nga sunod-sunod ang patay nga nagapanghitabo karon sa mga high-level personalities sama sa mga mayor ingon man ang paggamit sa mga professional hired assassins gamit ang de-kalibreng armas sama sa riple nga sagad usab gamit sa mga well-trained combat snipers.
RadyoMaN June Duterte
