Ya extende comendaccion el hefe ejecutivo del ciudad alcalde Beng Climaco-Salazar con el heroism ya dale mira el mga soldao que ya man combate por cingco meses contra con el mga myebros del Maute-Abu Sayyaf Terrorist Group na ciudad de Marawi.
Ya extende el alcalde con el su mensaje emfrente na presensya mismo del nuevo instolao comandante del fuerza Armada de Pilipinas Lt.General Rey Leonardo Guerero ayer.
Asegun con Climaco, el soceso na Marawi egualmente con el cosa ya experiencia el ciudad de Zamboanga del año 2013, donde sin presencia del fuerza del military, hay tormenta gayot el mga otoridad neutraliza con el mga enemigo del govierno.
Saludo el alcalde con el coraje y dedicaccion na diila trabajo que ya dale mira el mga military na gyera, que amo ta necesita el paiz este tiempo de crisis y terorismo. – *Bhong Simbajon/RMN News*
