Ya inspectiona el alcalde Beng Climaco-Salazar y cuantos consejales del furblo con el defectoso Housing Project na Barangay Tulungatung que ya man collapse del otro dia.
Ya llama atenccion el alcalde con el ahensya del National Housing Authority (NHA) y del contratista del tal proyecto del govierno nacional para esplica el soceso y determina el causa del destroso.
Recomendaccion del alcalde amo para espera con el resulta del presente ta conduci imbestigasyon del City Housing Division y del ofisina del inhinyero del ciudad para fuede sabe el verdad causa del insidente.
Ya fuede tambien descuvri cay semejante defectoso tambien el losdemas pa mga housing units que ya ofrece con el mga victima del guera del año 2013 aqui na ciudad.
Mientras tanto,el acalde ya manda anay temporariamente desaleja con mga ocupantes del mga defectoso caseriyas y manda canila esta na otro pa mga unit que ya planta el militar na mismo locaccion para evita desgrasya. – Bhong Simbajon/RMN News
