Magalab-ot sa 32.3 billion pesos ang dugang nga koleksyon nga makuha subong nga 2019 sa tion nga makalusot ang hagna nga pataasan ang buhis sa mga makahulubog nga ilimnon.
Ini ang ginpahayag ni Finance Undersecretary Karl Kendrick Chua sa hearing angut sa hagna nga sin tax increase nga ginpatigayon sang Committee on ways and means sa pagpamuno ni Senator Sonny Angara.
Suno kay Chua, sa sulod sang 5 ka tuig tubtob 2023 , ginabanta nga P236 billion ang makolekta sa alcohol tax hike.
Dugang pa ni Chua nga ang nasambit nga dugang sa buhis sa alcohol products ang magakumpleto sa pondo nga kinahanglan para sa implementasyon sang Universal Health Care (UHC).
Ang hagna ang gindihon ni Senator Manny Pacquiao nga nagatuyo nga mabuhinan ang mga naga-inom sang makahulubog nga ilimnon.
(photo from web)
