Sa interbyu sa DXDC RMN Davao kang Police Lieutenant Colonel Jay Dema-ala, Acting Chief of Police sa Tagum City PS, dili pa niini makumpirma kung positibong nakawatan ang bodega nga nahimutang Magugpo, Poblacion, Tagum City, Davao del Norte.
“Akong gipaadtoan dayon og investigator. Ingon sa mga tawo didto, wala man daw mga ingon ana nga panghitabo. So, nag-inventory man sila, ginahulat pa gani namo kung naa bay nawala gyud kay based sa visual lang nila nga pag-check, wala man daw,” saysay ni Dema-ala.
Una nang mikatag ang impormasyon nga gipanggapos matud pa ang mga security guard sa bodega rason nga natanggag sa mga armadong grupo ang mahalong sigarilyo, apan kini dili pa makumpirma kung tinuod, matud sa police official.
RadyoMaN Kirby Manzon
