Alejano to PRRD: ‘Trust the generals’

29

Davao City – Gisaway ni kanhi Magdalo Partylist Representative Gary Alejano ang scenario nga mismong si Pres. Rodrigo Duterte na ang mogunit sa renda sa pangatungdanan sa katungdanan nga Philippine National Police (PNP).


Matud ni Alejano, dili trabaho sa presidente ang paggunit sa posisyon pagka-PNP Director-General aron pamunuan ang pagpadagan kun operasyon sa nasudnong kapulisan sa tibuok Pilipinas.

Dugang ni Alejano, bugtong responsibilidad lamang sa pamuno-nasud mao ang paghatag og direktiba sa ilang mga ginsakpan sama sa organisasyon sa PNP.

Sa kadaghang trabaho sa presidente dili na kini angay manghilabot pa sa trabaho sa Chief PNP, hinonoa ihatag na lamang kini ngadto sa mga heneral nga kasaligan ug may igong katakos mugunit sa maong posisyon aron ang pamuno-nasud makatutok sa pagsulbad sa mga dagkung problema nga giatubang sa nasud karon.

Gipuna sa kanhi magbabalaud ang wala pagpili kun pagtudlo gilayon sa pamuno-nasud og bag-ong Chief PNP hulip kang kanhi head Oscar Albayalde kinsa mas nasayo ang pagkanaug sa posisyon human nadalahig sa isyu sa ‘ninja cops.’

RadyoMan Joel Viray

Facebook Comments