Alejano: Tsino travel ban kritikal

21

Davao City – Pabor ang Magdalo Partylist nga i-ban una ang mga Chinese nationals nga mosulod dinhi sa Pilipinas aron sa ingon, masanta ang pagkuyanap sa novel coronavirus kun NCov sa tibuok nasud nga mikutlo na og pipila ka kinabuhi karon.

Nabalaka si kanhi Magdalo Partylist Representative Gary Alejano nga basin mokaylap ug nga daghan sa mga Pilipino ang mataptan sa NCoV kung walay travel restriction nga ipatuman ang kagamhanan batok sa mga Chinese visitors.


Matud ni Alejano, dili lamang sa mga nanimuyo sa Wuhan City ang ban apan ngadto sa tanang nanimuyo sa mainland China nga sila did-an nang makabiyahe ug makasulod sa bisan asang dapit sa Pilipinas.

Ang ubang mga nasud sama sa Amerika nga adunay modernong kagamitan malutsan pa man gani, unsa na lang kaha ang Pilipinas nga walay igong abante nga ekipong magamit alang sa pag-detect sa NCoV maong ang pinakamaayong lakang mao nga himoon sa kagamhanan ang pag ban sa tanang Chinese nationals.

Matud ni Alejano, dili angay mahadlok ang nasudnong gobyerno sa epekto diha sa turismo ug sa ekonomiya tungod kay dili lamang mga Chinese nationals ang mga turista nga nagaduaw sa Pilipinas apan bisan pa ang mga ubang kanasuran.

Mas maayo kon adunay magpatigbabaw nga ban aron ang mga eroplano nga direktang mobiyahe sa bisan asang lugar sa Pilipinas gikan sa China dili maka-landig dinhi sanglit walay kasegurohan kung kinsa kanila ang potential host or human carrier sa maong matang sa balatian.

Mas makatabang ang travel advisory batok sa mga Tsino sa pag-enggnayo sa ubang kanasuran nga mubisita ug mupalit og mga produkto dinhi sa Pilipinas aron mamahimong ‘virus-free’ ang atong nasud.

Busa malaumon si Alejano nga palabihon ni Pres. Rodrigo Duterte ang pagprotehir sa mga Pilipino inay nga ang mga langyaw aron dili makit-an og buslot ang Duterte administration.

Giklaro sa kanhing magbabalaod nga si Duterte lamang ang suod sa China ug dili ang entero Pilipinas ug ang katawhang Pilipino busa walay katarongan nga did-an ang mga Chinese nationals dinhi sa nasud.

RadyoMan Joel Viray

Facebook Comments