Davao City – Hugot nga nakamonitor karon ang gi-reactivate nga Emerging & Reemerging Infectious Disease (ERID) Task Force sa Davao City aron masegurong dili makasulod ang deadly novel coronavirus kun NCoV sa syudad.
Sa interbyu sa DXDC RMN Davao kang Dr. Wilson Lim, Quarantine Medical Officer IV sa Bureau of Quarantine-XI, 98% na nga hitsas ang pagpangandam kun preparasyon sa Davao batok sa maong balatian.
Gitutukan karon sa Bureau of Quarantine-XI ang tanang musulod nga mga pasahero dinhi gikan sa China ug uban pang foreign flight arrivals ug mga foreign vessels diha sa mga sea ports.
Matud ni Lim, i-quarantine usa nila kun i-screening una ang musulod nga langyawng mga barko sa Davao Gulf una pa kini tugtang makadunggo sa atong pantalan.
Hinoon, nagpabiling luwas karon ug walay natala nga kaso sa 2019 novel coronavirus kun NCoV ang Davao City.
RadyoMaN Aimee Guinita
