Gilayong gimando kagahapon ni Northern Mindanao Police Regional Director ChiefSuperintendent Timoteo Pacleb ngadto sa tanang mga PNP units sa rehiyon nga pahugtantan ang pagbantay sa ilang area of responsibility.
Kini human ang pagbusikad sa usa ka sakyanang dunay gituohang sulod nga mga bomba, kagahapon sa buntag, diin onse ang patay, lakip na mga sundalo, ug walo ang samaran.
Apan bisan paman niini, gisiguro ni Pacleb ang publiko nga dili angayan maalarma tungod kay anaa kanunay ang puwersa sa gobyerno nga nagbantay ug andam nga mo-responde.
Gipahimangnoan lamang ni Superintendent Surki Serenas, ang tigpamaba sa PNP Region 10, ang publiko nga magbinantayon kanunay pinaagi sa pag-report ngadto sa mga utoridad ang mga kadudahang tawo o kaha mga kadudahang kalihukan nga makit-an sa matag dapit.
Hinoon, bisan paman nga walay seryoso nga hulga sa seguridad sa Northern Mindanao dili mokumpiyansa ang kapulisan, apan pahugtan pa ang ilang pagbantay.
| | Virus-free. www.avast.com |
