Humingi ng paumanhin si Alex Gonzaga matapos mag-post ng fake news tungkol sa pagkalat ng COVID-19 sa bansa.
Sa Twitter, ibinahagi ng actress-vlogger ang forwarded message na nagsasabing karamihan sa bagong COVID-19 positive ngayon ay nakuha mula sa grocery store.
Binura na ni Gonzaga ang naturang post matapos siyang i-tag ng isang netizen sa advisory ng Philippine General Hospital na pinabulaanan ang nasabing trend.
“Hello @Mscathygonzaga, you have 2M++ followers, i hope before you post something that has been forwarded to you, you may want to consider the ff: 1. Contemplate on the msg first 2. If you didn’t understand, try to ask 3. Or verify the info first. YOU’RE NOT HELPING SA TOTOO LANG,” saad ni @sayperjude.
Batay sa mensahe ng PGH, ang dalawang risk factor pa rin sa pagkakaroon ng virus ay “travel history from areas with known local transmission, and close contact with COVID-19 patients.”
Nag-sorry naman ang vlogger at dumipensang galing ang mensaheng iyon sa kaibigan niyang may kakilalang doktor.
Hi yes! Sorry i deleted it na! It was forwarded kasi from a friend na may contact sa doctors. Pasensya na. https://t.co/3HGBChx3X8
— Alex Gonzaga (@Mscathygonzaga) April 5, 2020
Kasunod ng paumanhin, ipinost na rin ni Gonzaga sa kanyang account ang advisory ng PGH.
— Alex Gonzaga (@Mscathygonzaga) April 5, 2020
