General Santos City—Gihimakak ni Capt. Roden Bogador ang tigpamaba sa 73rd Infantry Batallion nga adunay walo ka mga sibilyan silang gipangdakop niadtong nakalabayng simana sa may Sitio Salo, Barangay Upper Suyan, Malapatan, Sarangani Province.
Nasayran nga una nang gipasiatab sa mga progresibong grupo nga adunay walo ka mga sibilyan nga gipangdakop sa maong lugar ang tropa sa militar.
Sumala ni Capt. Bogador nga kung duna silay aktibidad sa kabukiran kini parti lang sa ilang community outreach program sukwahi sa mga gihingusgan sa mga militanteng grupo nga sila nagapangharass ug sibilyan.
Mensahe nalang ni Capt. Bogador sa mga nagkandaiyang grupo nga punay nagahapak kanila ug aligasyon nga undangan na ang paghimo-himo kanila ug mga estorya. Nasabtan matud pa niini ang idolohiya sa maong grupo apan dapat sumala pa dili sila butang butangan ug isyu.
Unta makighiusa nalang ang mga nahisgutan sa kampanya sa gobyerno nga maangkon ang kalinaw ug kahapsay sa nasud hilabi na dinhi sa Mindanao.
