El combinao elementos del otoridad ta composita el Philippine Drug Enforcement Agency ARMM (PDEA ARMM) junto con el 37th Infantry Battalion, Philippine Army, RPSB PRO ARMM siguiditos ya servi con el cingco mga mando de aresto que ya man issue el juwes Bazawan Z. Ibrahim del 12th Judicial Region Branch 13, Cotabato City contra con el BUA drug group na Crossing Simuay, Sultan Kudarat, Maguindanao.
Asegun na report del Western Mindanao Command (WESMINCOM) el progresivo implementaccion del mando de aresto ya resulta na aresto del ocho myembros del Bua Drug group que ta opera mga municipalidad de Maguindanao, Cotabato City, North Cotabato y Davao City. Conestos ya identifica el military como canda Almusid Karim alias Almursid Dub Karim, 37; Ibrahim Dub Karim alias Ibrahim D. Tang/Thang/Tang, 36; Cortes K. Esmael alias Esmael B. Cortes Karim/ Mike Karim, 47; Madd-Ryu Karim alias Ahmadb Dub Karim/Maddz, 32; Jimmy Gomez alias Tho/Nanding Ampuan Mohalim, 32; Fatima Empao Karim, 26; Reniel Solaiman Ampuan, 35 y si Nasser Usop Makalinggi, 18.Sin embargo, si Soljah Karim, Senting Gomez y el anak de Gomez alias Johari Solaiman Ampuan nuay el presencia durante el servida del mando de aresto.
Ya fuede confisca durante el operasyon con (41) pedaso del pakete de shabu con 35.04 gramos el fesadez na market value de (177,000.00) pesos, dos (2) units .45 caliber pistol (Colt MK IV Series 80),mga bala, drug paraphernalia, cellular phones, y identification cards.
Caso de violation del RA 9165 and RA 10591 el ya planta contra con el mga suspechao quien talyi aura na custodia del PDEA ARMM Jail facility. *– Bhong Simbajon/RMN News*
