Ang diabetes usa ka sakit nga nakuha nato sa pagkaon or ilimnon nga mga tam-is sama sa softdrinks. Ug ang diabetes usab ang usa sa mga hinungdan sa tawo nga maguba ang ubang internal organ sama sa kidney. Busa kinanghanglan maglikay sa pag-inum ug ilimnon nga taas sa sugar sama sa softdrinks.
Ang softdrinks kun soda lami imnun labi na kung bag-o kang nagkaon. O labi na kung init kaayo ang panahon. Lami kaayo ning lad-okon labi na og bugnaw kaayo. Pero kahibaw ba mo nga ang softdrinks pwede pung gamiton isip cleaning agent o panglimpyo sa daghan dapit o gamt sa panimalay?
Mao kini angt akoang pipila ka tips ninyo kung unsa pay laing gamit sa softdrinks. Iwas diabetes pa. Ania ang 8 extraordinary uses of softdrinks:
1. INUDURO CLEANER. Imo kining itrapo sa inuduro gamit ang sponge. Makatang-tang kini og tangtang sama sa talitik nga namilit sa inuduro.
2. PANGTANGTANG SA TAYA. Makatangtang og mantsa sama taya nga nipilit sa sinina. Kay ang softdrinks nagcontain kini ug phosphoric acid. Imo lang kining ibubo sa sinina nga may mantsa nga taya ug ubanan sa paghumol ug detergent powder sud sa 30 minutos.
3. KALDERO CLEANER. Pagtangtang sa dukot sa kaldero. Ibubo ang usa ka baso nga softdrinks sa kaldero dayon pabokalan sa pinaka hinay nga kayo sud sa 30 minutos. Gamitan og scrub sa pagkahuman ug pabukal niini.
4.PAMPATAY SA KUHOL/SNAIL. Magbutang lang og gamay nga softdrinks kilid or gawas sa balay aron ma-attract ang mga kuhol/snail sa pag-inum niini. Ang acid sa softdrinks maoy makamatay sa kuhol/snail. Ibutang lang kini og gamay nga container.
5. ANTI-CORROSION. Pangtang-tang kini sa corrosion nga nagtapot sa battery sa sakyanan. Ibubo lang ang usa ka-lata nga softdrinks sa gawas sa battery. Biyai kini og 5 minutos ug waswasi og warm nga tubig aron mawala ang residue sa softdrinks.
6. JEWELRY CLEANER. Makalimpyo kini sa hugaw nga sinsilyo ug sa mga alahas. Imo lang ihumol overnight ang coins or alahas sa usa ka baso nga softdrinks aron mabalik ang ka sinaw niini. Aron makita ang maayo nga resulta hugasi ug tubig inig human sa paghumol overnight.
7. PANTANGTANG SA MANTIKA. Solusyon kini sa mantikaon nga semento. Huwari og duha ka lata nga softdrinks ug pasagdihi sud sa usa ka-adlaw. Sunod adlaw trapuhi ug makita nimo ang resulta nga sinaw ug mawala gyud ang mantika sa semento.
8. GLASS CLEANER. Makatangtang sa bisan unsa mga klase sa hugaw nga mopilit sa windshield o sa bisan unsa nga bildo. Huwari lang ang bildo og softdrinks nga may hugaw ug biyai for 5 minutes dayon trapuhi ug basa nga panapton aron mabalik ang pagkasinaw sa maong bildo.
Hinaot pa nga inyo kining suwayan sa inyong panimalay. Iwas diabetes na ka, nalimpyo pa imong panimalay.
Mao kadto ang atoang All About Panimalay alang karong semanaha. Atangi napud sunod Miyerkules (Hulyo 25) kung unsa nga tip ang ihatud namo kaninyo. Tinubdan: indiatimes.com. (Sinulat ni DJ Teena Val).
