TACLOBAN CITY – Titikangan na han Philippine Veterans Bank yana nga Pebrero 27, 2018 an pagdistribwer han All-in-one cards ha Pantawid Pamilya Pilipino Program o kun 4P’s beneficiaries ha probinsya han Leyte.
Ha eksklusibo nga interview han RMN Tacloban kan Michael Angelo Villa-real, Vice President corporate & consumer relations division han Phil. Veterans Bank central office, tinikangan yana nga Pebrero 27 tubtob ha katapusan han Marso in malibot an mga representante han mao nga bangko ngan DSWD ha mga munisipyo ha Leyte agud magdistribwer han mga ATM cards.
Ginklaro naman ni Villa-real, diri dungan an pagkadto han ira buhatan ha mga bungto-bungto.
Ginpahayag gihapon niya nga pilot testing an ginbuhat ha syudad han Tacloban, Tanauan ngan Pal, Leyte rason kun kayano dida han Desyembre 2017 ngadto Enero 2018 nakarawat han mga 4P’s beneficiaries an ira all in one cards.
Purluminos 55,000 pa nga cards an ig-didistribwer han Philippine Veterans Bank ha bug-os nga Leyte.
Ginpatapod naman han opisyal nga ugsa pa mag-semana santa ha Marso in makakakarawat ngan masusudlan na an cash card han mga benepisyaryo.
