Davao City – Tumanon ang responsibilidad ingon man ang mandato sa bag-o niining opisina sa lokal nga panggamhanan.
Kini mao ang gipaniguro ni Erwin Alparaque human siya pormal nga gitudlo isip bag-ong City Treasurer Office sa syudad sa Davao.
Segun niini nga plano niyang ipasaka pa ang kita sa gobyerno ingon man himuong episyente ang koleksyon niini partikular sa business taxes nga adunay P2B gitagana ug dugang P2B sa real property taxes.
Sa tuig 2018, nalabwan ang P7.8B nga gilaumang kita sa syudad diin kini naabot sa P8.54B.
Gani kompyansa si Alparaque nga makab-ot ang gitagana sa Davao-LGU nga P10-B annual income alang sa tuig 2019.
“Hopefully we could derive that revenue for the city. Mao nang ginaingon nato nga we are one of the richest city already, we are already generating billions in terms of collection,” gikanayon niini.
Kahinumdoman nga Oktubre 2, 2018 gi-appoint si Alparaque isip City Treasurer ni Davao City Mayor Sara Duterte-Carpio hulip kang Bella Linda Tanjili human kini mag retire.
Pebrero 14, 2019 gipirmahan ni Department of Finance Secretary Carlos Dominguez III ang appointment paper aron siya hingpit na mamahimong CTO head gani bagohay lang nadawat ni Alparaque ang papeles sa milabay’ng semana human giasikaso ang iyang mga rekisitos.
RadyoMaN Jason Amisola
