‎𝗕𝗔𝗚𝗢𝗡𝗚 𝗟𝗜𝗖𝗘𝗡𝗦𝗘𝗗 𝗘𝗡𝗚𝗜𝗡𝗘𝗘𝗥 𝗠𝗨𝗟𝗔 𝗔𝗡𝗚𝗔𝗗𝗔𝗡𝗔𝗡, 𝗡𝗔𝗚𝗕𝗜𝗚𝗔𝗬-𝗜𝗡𝗦𝗣𝗜𝗥𝗔𝗦𝗬𝗢𝗡 𝗦𝗔 𝗞𝗔𝗕𝗔𝗧𝗔𝗔𝗡

‎Cauayan City – Isang bagong yugto ng tagumpay ang nabuksan para kay Engr. Jeune Andrei Orial Garcia ng Angadanan, Isabela matapos niyang maipasa ang Mechanical Engineers Licensure Examination (MELE) nitong Pebrero 2026.
‎
‎Siya ay nagtapos bilang Magna Cum Laude ng kursong Bachelor of Science in Mechanical Engineering sa Saint Louis University, kung saan hinubog ang kanyang kakayahan at kaalaman sa naturang larangan.
‎
‎Kabilang siya sa 101 na pumasa mula sa 147 examinees ng kanilang paaralan, na nakapagtala ng 68.71% passing rate.
‎
‎Sa mensahe ng kanyang mga magulang, ipinahayag nila ang taos-pusong pasasalamat at pagmamalaki, kasabay ng paalalang manatiling mapagkumbaba at gamitin ang kanyang propesyon sa paglilingkod sa kapwa.
‎
‎Ang tagumpay na ito ay hindi lamang personal na panalo kundi karangalan din para sa kanyang paaralan at sa buong Isabela.
‎
‎Source: RCVN

————————————–

‎Para sa update at iba pang mga balita, bisitahin ang aming facebook page 98.5 iFM Cauayan at ang aming website, www.rmn.ph/985ifmcauayan.

‎#985ifmcauayan
‎#idol
‎#numberone
‎#ifmnewscauayan