Ya rendi gracias el Chairman del Committee on Sports na consejo Hon. Elbert Atilano con el Alsons Group of Companies con el ayuda pormedio del ofrecimiento de full scholarship con el singco mga atleta que bueno na mensyonao deportes.
Asegun con Atilano, un grande inspirasyon y ayuda el cosa ya hace el Alsons porcausa cay estos el primer grande companiya que ya cre conele cuando ele ya proposita con el scholarship program para na mga pobre pero deserving mga bata que chene potensyal queda buen atleta y lleva medalya de oro para con el naccion como cosa ya dale mira si Hidilyn Diaz.
Si Atilano ya abla cay el cingco mga Alsons Scholars primero pa lang del batch del mga bata que ta obtene este oportunidad que hay esta por veinte-cingco años. -Bhong Simbajon/RMN NEWS
