Gipamugos sa Alliance Labor Union- TUCP ang dugang suhulan sa mga trabahante.
Sa interview sa RMN Malaybalay ngadto kang Nicandro Borja, ang regional operations director sa ALU-TUCP region 10 gibutyag ninii nga kulang kaayo ang kasamtangang minimum wage nga gi-obliga sa Department of Labor and Employment kon DOLE ngadto sa mga employer.
Matud niini nga dili living wage ang kasamtangang minimum wage hinoon sa ilang pagtoon sa lima ka miyembro sa pamilya nanginahanglan kini ug 1,200 nga inadlaw-adlaw nga suhulan.
Sigun ni Borja nga maoy hinungdan nga ilang gihingusgan ang 800 pesos nga minimum wage sa tibook nasud.
Samtang sa interview sa RMN Malaybalay ngadto kang Dr. Adrian Tamayo, usa ka economist nga dili sayon ang mao nga panawagan sa pipila ka grupo tungod kay aduna kini economic impact.
Gipasabot ni Tamayo nga wala nagpasabot nga kung ihatag ang mao nga increase sa minimum wage masulbad na tanan.
Dugang niini nga kung adunay pagtaas sa suhulan kinahanglan nga mutaas usab ang commodities sa kamerkaduhan.
Ang solusyon matud pa mao nga tan-awon ang total factor productivity.
