Davao City – Mipalag ang Associated Labor Unions-Trade Union Congress of the Philippines (ALU-TUCP) labot sa pagpatuman og mandatory vaccination sa City Government of Davao sa mga empleyado niini sugod sa sunod tuig, 2022.
Sa interbyu sa DXDC RMN Davao kang Alan Tanjusay, Spokesperson sa ALU-TUCP, giluwatan niini nga paglapas sa katungod ang maong direktiba diin kinahanglan nga irespeto ang desisyon sa usa ka empleyado labot sa pagpabakuna batok Coronavirus Disease 2019 (COVID-19).
“Sa aming assessment, yun po (mandatory vaccination) ay paglabag sa kanyang karapatan na dapat alam niya, ng isang tao kung ano ang nakakabuti sa kanya. Hindi ‘yung gobyerno ang magsasabi sa kanya o mamimilit sa kanya na siya ay bakunahan,” sulti ni Tanjusay.
Gidugang ni Tanjusay nga inay nga i-mandatory ang pagbakuna, mas maayo nga awhagon lamang sa Local Government Unit (LGU)-Davao ang mga empleyado niini pinaagi sa paghatag og mga ‘incentives’ sama sa gihimo sa ubang LGU sa nasud.
“Makikita mo dito sa ibang bahagi ng ating ibang bansa, may mga politiko na nagbibigay ng insentibo sa mga tao na magpabakuna. Meron silang programa na nagsasagawa sila ng raffle at nagbibigay sila ng house and lot, kotse, mga grocery doon sa mga taong magpabuna. At kung ikaw ay magpapabakuna na, ikaw ay entitled na manalo,” saysay ni Tanjusay.
Una nang gisulti ni Davao City Mayor Sara Duterte-Carpio nga gikatakdang ipagawas sa City Government of Davao ang Executive Order (EO) labot sa paghimong mandatory sa vaccination sa ilang mga empleyado lakip na ang job order, contracts of services, volunteers ug consultants diin ang pakyas nga pagtuman niini muresulta sa ilang pagkatanggal sa trabaho.
RadyoMaN Kirby Manzon
