Davao City – Naglaum ang usa ka political analyst nga mausab pa ang desisyon ni Davao City Mayor Sara Duterte-Carpio human kini miingon nga wala kini daganan nga national position sa 2022 Elections tungod sa planong pagpapili sa amahan niining si Presidente Rodrigo Duterte.
Sa interbyu sa DXDC RMN Davao kang Professor Clarita Carlos, political analyst, gisaysay niini nga aduna pay panahon nga mausab ang desisyon ni Sara Duterte labi na nga daghan ang mipakita og suporta kaniya sa pagdagan isip presidente sa Pilipinas.
“I hope she (Mayor Sara Duterte) can still make to change her mind because she’s a very strong contender and iki-question na man kasi ‘yung vice presidential run ng tatay niya (Pres. Rodrigo Duterte), iki-question ‘yun sa Supreme Court,” saysay ni Carlos.
Dugang ni Carlos nga taas usab og kasinatian kun experience si Duterte-Caprio isip usa ka local chief executive diin bisan og wala pa personal nga nahimamat sa propesor si Sara, nagustohan niini ang background sa alkalde sa syudad sa Davao.
Una nang gipasabot ni Mayor Sara nga adunay kasabutan sa ilang pamilya nga usa lamang ang mudagan kanila alang sa 2022 National Elections.
RadyoMaN Kirby Manzon
