Pormal nang gipasaka sa Associated Labor Union- Trade Union Congress of the Philippines o ALU-TUCP kagahapon sa buntag ngadto sa Regional Tripartite Wages and Productivity Board kon RTWPB ang ilang petition nga mangayog uminto sa suweldo sa mga empleyado sa private sector dinhi sa Northern Mindanao.
Mokabat sa 320 pesos kada adlaw nga uminto sa suweldo sa mga Empleyado sa Region 10, ang gipangayo nila ni Alu-TUCP Vice President For Operation, Nicandro Borja.
Matud ni Borja nga kon ihatag kini sa RTWPB mokabat na dayon sa 658 pesos kada adlaw ang suweldo sa mga emplyado sa Region 10.
Kay sa pagkakaron, 338 pesos pa lamang ang adlaw sa suweldo sa mga employee sa Northern Mindanao basi sa Wages Order Number 19 nga gipakanaog sa RTWPB.
Matud ni Borja nga ilang gipangayo sa gobyerno ang 320 pesos nga omento sa suweldo kay mahal na kaayo ang presyo sa mga palaliton nga apektado sa Train Law ug 5.2 percent nga Inflation rate.
Naglaom si Borja nga ihatag sa gobyerno ang 320 pesos nga uminto sa suweldo aron makalingkawas sa kalisod sa panginabuhi ang mga empleyado sa pribadong kompaniya dinhi sa Northern Mindanao.
