Ay man launch el I-FM 96.3 con diila Nuevo maga programa y personalidad na Lunes Hunio 25,2018 , que mas keda mafuersa na aire y mas atrehe manada maga listeners .
Hinde lang concentra na Musika sino ay puede tambien ustedes uwi con el maga fresco noticias , comentario y alegria na aire hunto conel maga personalidad del DXRZ-AM RMN-Zamboanga .
El I-FM.96.3 Music and News man hunto con maga Beterano Anchorman del DXRZ-AM , que principia pa lang subi el sol ay man banat na programa “ Alegria y Noticias” si Lola Paulo , Jot , Abdul hunto con Radyoman Hermie Ventura alas 5:00-7:00 del aga , mga asuntos del dia , Punto por Punto Comentario y ase himay con maga soceso que ta socede areredor del ciudad que ay discuti na programa “I-Topic” (para claro lang ) si Radyoman Bhong Simbajon alas 9:00 -10:00 del aga , maga noticias desde na diperentes Estacion de policia , “Noticia De Tarde” hunto con Merazol Monteza als 5:00-5:20 del tarde .
Puera cunece ay puede tambien ustedes uwi maga Drama ay llegar el Noche , el Station Manager del I-FM Rham Iraham y DXRZ-Am Joel Sanson ay uni fuersa para dale con el maga listeners el cosa sila ta buska na un Radyo estacion .
