Davao City – Sikop sa otoridad ang usa ka amahan tungod sa kasong pagpanglugos sa iyang kaugalingong anak.
Sa report sa Caraga Municipal Police Station, malampusong naaresto ang usa ka alyas Pedring (gitago ang tinuod nga pangalan alang sa biktima), 56 anyos, usa ka mag-uuma nga taga Caraga, Davao Oriental.
Sumala pa nga ang naaresto usa ka top 5 most wanted person sa lugar diin nasayran nga niadtong Disyembre 2018, giingong gilugos niini ang iyang 18 anyos nga anak nga si alyas Ann sukad niadtong 14 anyos pa.
Matud sa biktima nga nahadlok kini sa pag report gilayon sa kapulisan gumikan sa sa hulga nga patyon siya sa iyang amahan.
Sa karon balhug na ang dinakpan ug nag atubang og kasong Qualified Rape in Relation to R.A. 7610 ug Rape nga walay girekomendang pyansa.
RadyoMaN Renz Barbarona
