General Santos City—tingkagol na sa silda sa Bula Police Station ang usa ka amahan human nga gialigaran sa kaugalingong asawa ug pagpangmolestya ngadto sa 2 anyos niini anak sa may Barangay Bula, General Santos City.
Ang suspek itago lang sa pangalang Alyas Eking, legal age ug residenti sa susamang Barangay.
Alas 5:00 ang takna dihang gisikop ang suspetsado sa ilang panimalay human kining gireklamo sa iyang asawa sa WCPD sa Bula Police Station ug pagmolestya sa ilang 2 anyos nga anak.
Subay sa aligasyon sa asawa niini, iyang naabtan sa akto ang gihimo sa suspek sa ilang anak hinungdan nga kini gisumbong sa kapulisan.
Hugtanon usab nga gihimakak sa suspek ang aligasyon lugos. Sumala pa niini nga igo lang syang nag inum sa adlaw nga gitumbok sa iyang asawa nga iyang gihilabtan ang ilang anak.
