General Santos City—Angol ang usa ka Minardo Cuaresma, legal age, nga taga Barangay Malalag, Maitum, Sarangani Province human kining gitigbas sa iyang anak nga si Sauros Cuaresma, legal age, residenti sa samang lugar.
Subay sa pahayag sa babayeng anak sa biktima nga naglalis matud pa ang iyang amahan ug ang iyang magulang nga si Sauros kung asa kalit mikuha ug sundang ang suspek ug gitigbas ang iyang amahan igo sa bukton nga bahin.
Paspas nga misibat ang suspek human sa insidenti samtang ang biktima, gidala gilayon sa Dr. Jorge Royeca Hospital hindi sa Gensan.
Nasayran nga dugay nang dunay bingkil ang mag-amahan apan kini na ang pinaka-lala nilang bangi gumikan misangko gyud sa pagpanigbas.
Facebook Comments
