Davao City – Nakaplagang patay na ang amahang giingong nidadab sa iyang 3 anyos nga anak human kini naghikog sulod sa iyang selda.
Nasayran nga ganinang alas 4:30 sa kadlawon naghikog si Randy Cadiente sulod sa CR sa iyang selda gamit ang iyang bandage.
Gitabang pa siya paingon sa SPMC apan gideklara kining dead on arrival (DOA) ni Dr. Arthuro Salvador.
Sa interview sa DXDC RMN Davao kang Station 4 Commander Police Chief Inspector Emerson Pugong, miingon kini nga ikaduhang higayon na gisulayan ni Cadiente maghikog apan napugngan pa kini.
Sa wala pa nahitabo ang insidente, nagpadungog-dungog matud pa si Randy nga magkita ra sila sa iyang anak nga si alyas Inday didto sa langit diin gitohoang nakasinati kini og depression tungod sa panghitabo.
Dugang ni Pugong nga ila nang napahibalo ang pamilya ni Randy kinsa nagpabilin pa karon sa morgue sa SPMC.
Subay niini, gibutyag ni Pugong nga makonsidera na nga case closed ang kasong parricide batok sa amahan karon nga patay na kini.
Kahinumduman, si Randy Cadiente ang nag unang suspek sa pagsunog patay sa iyang anak sulod sa ilang balay sa Malagamot Panacan sa miaging mga semana human sila nagkabulag sa iyang asawa.
RadyoMaN Joel Viray
