Polomolok, South Cotabato – Nakabsan og kinabuhi ang amahan human naunay sa pagbuto sa pusil sa Purok Maharlika, Barangay Magsaysay, Polomolok, South Cotabato, Dominggo sa buntag.
Sa impormasyon nga gipagawas sa Polomolok Municipal Police Station, personal nga nipatala ang empleyado sa Heramil Hospital sa Polomolok tungod may pasyente sila nga nakaangkon og gunshot wound sa lawas.
Nailhan usab ang biktima sa pangalang Randy Kuta Ting, 42 anyos, minyo ug driver nga nagpuyo sa maong barangay.
Miresponde ang kapolisan og nasuta sa imbestigasyon na alas-8 Dominggo sa buntag namahaw ang biktimang amahan kauban ang tulo ka anak ug usa pa ka paryente.
Nag-ilis kini siya og sinina ug samtang mokuha og bag aksidente matod pang napabuto ang armas punting sa iyahang batiis.
Gilayon gidala ang amahan sa ospital pinaagi sa iyahang mga kabanay takna alas-9:30 sa buntag anang adlawa apan nakabsan og kinabuhi bandang alas-10:26 sa buntag.
Mismo ang attending physician nga si Dr. Mark Anthony Naval ang mikumpirma kung asa ang hinungdan mao ang kadaghan sa dugo nga nawala sa lawas sa biktima.
Mihimo og follow up investigation ang Polomolok PNP ngadto sa panimalay sa biktima kauban ang presensya ni Barangay Kapitan Vicente Pasilan.
Narekober didto ang usa ka homemade 12 gauge shotgun pistol type nga walay serial number na armas u gang fired cartridge case.
Gitugyan sa kapolisan ang ebidensya ngadto sa Regional Crime Laboratory Office 12 para sa pagpailawom sa ballistic examination.
Nalubong na dayon ang patayng lawas sa amahan sa kagustohan sa pamilya alayon sa Muslim burial rites.
For more info’s and updates, like and share our official facebook account: www.facebook.com/ifm91.9Gensanofficial/
#TatakRMN #IFMAngIdolKongFM #RMNnetworks #ReachingMillionsNationwide #RMNFoundation
[image: naunay.jpg]
