Davao City – Gitun-an pa karon sa Bunawan Police Station kung unsa pang kaso ang ipasaka sa amahan nga gi-akusahang milugos sa iyang duha ka anak.
Sumala ni Bunawan Police Station Chief of Police Police Major Noel Villahermosa atol sa interview sa DXDC RMN Davao, rape ang kaso sa pagkakaron nga ilahang i-duso sa piskalya.
Kagahapong adlawa, giubanan sa WCPD-Bunawan PNP ang biktima alang sa medical examination.
“I-file gyod nato aron ma-serve ang justice, pasakaan nato’g kaso tong suspetsado nga ilang amahan,” sumala ni Villahermosa
Kahinumduman nga midangop sa DXDC RMN Davao ang mga biktima aron i-reklamo ang gihimo sa ilang amahan nga pagpangabuso kanila nga miresulta matud pa sa pagbuntis.
Gisumbong usab nila ang gihimong pagkulata sa ilang amahan sa singko anyos nga manghud nilang lalaki nga miresulta sa kamatayon.
RadyoMaN Aimee Guinita
