Glan, Sarangani Province—Sikop sa gipahigayon nga buy-bust operation sa Glan Municipal Police Station ang usa ka amahan kansa suspek usab sa pagpanglugos sa iyang kaugalingong anak, kagahapong adlawa didto sa Purok Nangka, Barangay Ilaya, Glan, Sarangani province.
Suspek itago lang sa pangalang Larry, 42 anyos, (gituyo ug tago ang pangalan isip proteksyon sa biktimang menor de edad nga anak sa suspek) residente sa Barangay Congan, Glan, Sarangani Province.
Nasikop ang nasangpit human nga napalitan ug duha ka pekete nga dahon sa marijuana.
Una nang midangop ang kabanay sa 16 anyos nga menor de edad ngadto sa kapulisan human nga misumbong matud pa ang dalaga sa iyang mga paryente nga siya gihilabtan sa iyang kaugalingong amahan.
Matud ni Police Lt. Col. Aldren Gonzales, Hepe sa Glan Police Station nga notado na ang gihimo sa suspek ngadto sa ilang Barangay apil na ang pagpayuhot niini ug marijuana.
Hugtanon usab nga gihimakak sa suspek ang aligasyong pagpanglugos niya ngadto sa iyang anak.
Sa karon balhog na sa selda sa Glan Police Station ang biktima samtang nakatakda na kining pasakaan ug kasong kalapasan sa RA 9165 ug kasong pagpanglugos.
