General Santos City—Balhog na sa selda sa Police Station 3 ang usa ka amahan nga itago lang sa pangalang Alyas Undo, kansa gialigarang nangmolestya sa iyang kaugalingong anak sa Barangay Ligaya, Gensan.
Una nang midangop sa buhatan sa Police Station 3 ang iyaan sa biktimang si Alias Laylay, 11 anyos, Grade 5 student aron isumbong ang gihimo sa suspetsadong amahan.
Base sa sumbong sa biktima, siya natulog sa ilang balay dihang iya nalang namatikdan nga nagpatong na kaniya ang iyang amahan dayon ginahilam na niini ang pribadong parte sa iyang lawas.
Tungod niini misumbong ang biktima sa iyang iyaan nga mao usay midangop sa kapulisan aron isumbong ang gihimo sa suspek.
Gilayong gidakop ang amahan ug gibalhog sa prisohan. Sa karon ginaandam na sa kapulisan ang tukmang kaso nga ilang ipasang-at batok sa mga suspetsado.
