Davao City – Wala magmahay ang amahan nga si Joel Nonoy sa iyang krimen nga nahimo ngadto sa upat niya ka mga anak kansang tulo niini hikabsan sa kinabuhi ug karon gihaya sa Barangay Hall sa Brgy San Isidro Babak Igacos Davao del Norte.
Sa interview sa programang Kuskos Batikos Midday Edition sa DXDC RMN Davao, gitumbok ni Joel ang iyang asawa nga si Arlyn maoy angay basulon sa tanan nga nahitabo sa ilang pamilya.
Ang dakong niyang pagduda nga dunay laing lalake ang iyang asawa maoy nakapasuko kaniya pun an pa nga giingnan siya sa iyang kapikas nga dili na muuli sa ilang panimalay ug mas maayong mag unong nalang sa pagpakamatay uban ang iyang upat ka mga anak.
Tungod niiini nakalimot siya sa iyang kaugalingon ug iyang nahinaykan ang iyang mga anak niadtong miaging gabie samtang nangatulog sulod sa ilang panimalay.
Gani buot usab niyang magpakamatay aron muunong sa iyang upat ka mga anak apan napakgang kini human makabati ug hapdos sa iyang tiyan sa iyang pagduslak sa kutsilyo.
Karong adlawa gipasaka na sa Babak PNP ug sa asawa niining si Arlyn ngadto sa piskaliya ang kasong frustrated parricide batok sa amahan.
RadyoMaN Erin Lumosbog
